كيفك سوما انا حابة احكيكى عن شئ يخصنى وابغى تساعدينى فيه من شان الاقى حل مع السمنة واللى صارت هم كبير مو عارفة اتخلص منه رغم الرجيم المستمر والقاسى جداا اللى اسويه باستمرار وارجومنك اجابتى بسرعة لان زفافى بعد اربعة اشهر واريد اخس من غير رجيمات حتى لا يتأثر وجهى بالرجيم ويظهر بشل مرهق ومجهد

السلام عليكم
الف الف مبروك ياقمر وان شاء الله اقدر اساعدك وتخسى بسرعة علشان تبقى زى القمر فى الفرح
-بصى فى الاول انا هديكى شوية معلومات ونصايح هتساعدك تخسى ومتتخنيش تانى ابدا بس بشرط انك تستمرى عليها وتنفذيها بالضبط
(1) اوعى تفقدى الامل فى يوم انك هتخسى بس لازم مع الامل ده شوية شغل على نفسك علشان تخسى بسرعة وافتكرى دائما ان الحالة النفسية من اكبر العوامل اللى بتأثر جدا على زيادة الوزن او نقصه يعنى لو حاتك النفسية اتحسنت ده هيؤدى الى انقاص وزنك لان الاكتئاب والزعل بيدفع الشخص لتناول كميات كبيرة جدا من الاكل

(2)لازم تغيرى نظام حياتك اليومى لان ده هيساعد فى انقاص وزنك نتيجة استبدال العادات اليومية السيئة بعادات اخرى مفيدة لجمال ورشاقة جسمك وكمان هتنور وشك وتبعد عنه الارهاق والاجهاد:
--ممكن تأكلى كل انواع الاكل اللى بتحبيه ولكن بنصف الكمية المعتادة وتعوضى النصف الاخر بتناول الخضروات والفواكه الطازجة ولكن بشرط اختيارك للانواع منخفضة السعرات مثل الخس-الجزر- التفاح
---كمان اكثرى من شرب المياه لانهاهتساعد جسمك فى التخلص من الدهون وكمان هتجعل جسمك ناعم جدا ومشدود وبدون اى ترهلات
----حاولى تكثرى من اكل الاغذية التى تحتوى على الياف والتى تحتوى على ردة مثل الخبز البلدى او ممكن تاخدى اقراص ردة من الصيدلية لان الردة والالياف بتساعد على زيادة الشعور بالشبع
--------استبدلى 3 حاجات بتخن ب3 حاجات بتخسس
*استبدلى السكر الابيض العادى بالسكر الدايت من الصيدلية
*استبدلى عادة الاكل امام التلفزيون ب15 دقيقة رياضة امام التلفزيون او حتى امشى داخل الغرفة لمدة ربع ساعة وياريت لو بدل ده ترقصى شرقى لمدة ربع ساعة لان ده هينقص وزنك وجدا وهيدربك على الرقص لزوجك وكمان الرقص الشرقى بيحسن جدا من الحالة النفسية
*استبدلى الحلويات الشرقية او الغربية بالفكهة الطازجة منخفضة السعرات لانها ستشعرك بالسعادة وهتعوض طعم السكر الموجود بالحلويات ولكن بسعرات اقل مما سيساعدك فى انقاص وزنك

(3)صدقينى لو عملتى الحاجات ديه بصورة يومية و بدقة هتفقدى الكثير من الوزن دون اى احساس بالحرمان ولو داومتى عليها على طول عمرك ماهتتخنى تانى ابدا

ولو عايزة معلومات اكتر ممكن تدخلى على قسم ( رجيم رشاقة) او (جمال واناقة العروسة)

Post a Comment

أحدث أقدم