الأربعاء، 23 ديسمبر، 2015

طريقة عمل الفطير المشلتت فى البيت طريقة الفطائر بالصور


akalatsoma.blogspot.com

المقادير: نص كيلو دقيق 2 معلقة كبيرة سكر نص معلقة صغيرة ملح ماء دافئ للعجن معلقة كبيرة سمنة بلدى طرية بدرجة حرارة الغرفة معلقة كبيرة زبدة طرية بدرجة حرارة الغرفة
التحضير: بنخلط جميع المقادير ونضيف المية على دفعات لحد ما تتكون معانا عجينة ومش بتلزق فى ايدينا ونجيب شوية زيت ونملس بيها العجينة ونغطيها ونسيبها ترتاح حوالى نص ساعة
هنحط زيت على رخامة المطبخ او صينية ونفرد عليها العجينة بالنشابة دايرة ونخلط السمنة والزبدة مع بعض وندهن بيهم الدايرة وبعدين نلفهم رول ونقطعها حوالى 6 او 8 اجزاء ونغطيها ونسيبها ترتاح
بناخد كل قطعة بنفردها ونطبقها وبعدين نلمها بايدنا كورة زى ما بيقولوا شكل البؤجة كده ونسيبها ربع ساعة ترتاح
الطبخ: ناخد كل دايرة ونفردها فطيرة صغيرة ونسخن طاسة كويس من غير اى مادة دهنية ونحط الفطيرة ونوطى النار لحد ما تاخد لون من تحت وبعدين نقلبها على الوش التانى لحد ما ياخد لون هو كمان واللى يخلص من الفطير تحطيه فى حلة او حاجة ليها غطا علشان يفضل طرى

ليست هناك تعليقات:

إرسال تعليق