اكلات منال العالم طريقة عمل خبز الباجيت المحشي باللحم المفروم من منال العالم طريقة الإعداد: 1- نحط شوية زيت ص

خبز الباجيت المحشي


أولا: المقادير:






طريقة الإعداد:

1- نحط شوية زيت صغيرين ولما يسخنوا نحط اللحمة المفرومة ونقلب لحاد اما لونها يتغير وتشرب ميتها وتنشف خالص



2- نحضر بصلة مقطعة مكعبات وفصين توم ونحطهم على اللحمة ونقلب لحاد اما لونهم يتغير



3- نحط التوابل المفضلة (هي حطت البهارات الموجودة في المقادير ملح وفلفل وكمون وبهار مشكل وكسبرة ناشفة وبابريكا ولو عايزين شطة كمان) ونقلب كله على بعضه



4- نسيب اللحمة تبرد وبعدين نضيف عليها الطماطم المقطعة مكعبات والبقدونس وجبنة شيدر مبشورة ونقلب



5- نضيف بيضة على الخليط ونقلبها كويس



6- نجيب العيش الباجيت (ده اللي هوا الفينو الطويل الكبير ده هي قالت ممكن الفينو العادي او حتى الكيزر عادي حسب الرغبة)



7- شالت اللب من الفينو وبدل اما ترميه خلطته باللحمة وقلبته كويس



8- حطت الحشوة على الفينو (بس كمية كويسة)



9- قفلت الفينو وبعدين سيحت حتة زبدة ودهنت وش الرغيف بالزبدة وبعدين رشت على الوش اوريجانو (انا معرفش هوا ايه اصلا بس قالت ممكن نرش زعتر او ريحان حسب الرغبة)



10- غلفت الرغيف بالورق الفويل وقفلته من الجانبين وحطته على صينية فرن وبعدين ندخله على 180 درجة لمدة 15 دقيقة (قالت ممكن لحاد خطوة التغليق بالورق الفويل نشيله في التلاجة ونطلعه عند الاستخدام نحطه في الفرن
)


11- بعد اما خرج من الفرن قطعت العيش بالورب قطع كبيرة نسبيا وزينتها بالخيار والزيتون والجزر



وبالهنا والشفا