مكياج الصباح دايما لازم يكون بسيط لان معظم البنات عموما او الخروجات الصبح بتكون للدراسة او العمل او مواعيد رسمية و المكياج الناعم بيدي شكل جميل و بسيط للبنت وفي نفس الوقت بيخفي اثار النوم او التعب و الارهاق و بيكون الشكل اكتر جدية تعليم طريقة مكياج الصباح * اول حاجة ينغسل الوش كويس جدا وبعدين بتجيبي حتة تلج وتمرريها على الوش كله و ممكن تعملي كمادات للعين من الشاي ( بتحطي اكياس الشاي بعد استعمالها في الفريزر وتكوني محضراها قبل ) لمدة ربع ساعة او 20 دقيقة وده بيخفي اثار النوم والارهاق وفي نفس الوقت بيزيل اي انتفاخات في العين وبيساعد على ازالة الهالات السودا * تحطي كريم مرطب وتستني شوية لحد ما تمتصه البشرة او ممكن تحطي كريم واقي من الشمس وتستني فترة تقريا 20 دقيقة . * بتحطي بودرة مضغوطة على كل اجزاء الوش و ممكن بدالها تحطي كريم اساس و بودرة سايبة بشرط يكون قريب من لون بشرتك او افتح بدرجة واحد عشان يكون اقرب للطبيعي . * مكياج العين : بتجيبي اي شادو (ظل جفون) يكون لونه فاتح والاحسن انه يكون من نفس الوان اللبس اللي ناوية تلبسيه زي الوردي او السماوي او الاخضر
بتحطيه على الجفن العلوي من ناحية الانف لبره على كل عين .
ممكن تكتفي بظل الجفون على العين ولو حابة ترسمي عينيكي بالاي لاينر او الكحل فارسمي خط خفيف فوق العين من غير ما تكون ليه زاوية خارجية * بعد كده بتحطي الماسكرا على الرموش وبتفرقي بين الرموش بالفرشاة المخصصة ليها . * بالنسبة لاحمر الخدود لو وشك نحيف يفضل انك تحطي لون فاتح على الخدين وتوزعيهم بطريقة متساوية اما لو وشك مدور او مليان بتحطي احمر الخدود – البلاشر- على عضمة الخدين في اتجاه الودن و ده بيساعد على ابرازهم وتنحيف الوش . * اخر خطوة بتحطي كريم اساس على الشفتين وبعدين بتحطي روج ويفضل لون فاتح او ملمع الشفاه
إرسال تعليق