البيتزا الشرقى
طريقة عمل البيتزا فى البيت طريقة عمل البيتزا في المنزل طريقة عمل البيتزا فتافيت طريقة عمل البيتزا فى الميكروويف
طريقة عمل البيتزا فى المنزل كيفية عمل بيتزا شرح بالصور طريقة عمل البيتزا فى المطاعم
- المقادير: اعجنى الكميه اللى تحبيها من الدقيق (نص كيلو /كيلو / كوبين ) زى ما تحبى بشويه ميه وضيفى على الدقيق قبل العجن ذره ملح وذره كربوناتو ( او ممكن بيكنج باودر بدل الكربوناتو) - مقادير الحشو طماطم وبيض وفلفل وزيتون ونص علبه بولوبيف وشويه بقدونس
- التحضير: - انا هنا عجنت كوبين بس يعنى ما كنتش عايزه كميه
- وقطعى العجين كورتين كوره كبيره وكوره صغيره وسيبيهم يرتاحو نص ساعه بالشكل ده - الطبخ: - معايا يا فتوكات نحضر بقى الحشوه اللى على مزاجنا
- دعبسى فى التلاجه وطلعى منها اللى يليق مع بعض انا هنا لقيت ايه تعالو شوفو
- المهم طبعا الطبق الاستنلس ده انا سيحت شويه سمن فيه او زبد او سمنه على قشطه او سمن على زيت ما تتقيديش بشىء اعملى اللى يناسبك يا فتوكه او المتوافر
- نيجى بقى للعجين اهو ارتاح وبقى ميه ميه
- نجيب الكوره الصغيره ونفردها بالنشابه وشويه دقيق كده ونسيبها على جنب
- وبعدين نجيب الكبيره ونفردها كويس قوى زى كده
- وبعد ما تفرديها نفضى الدقيق اللى فردتى بيه وادهنيها سمنه كويس من المنتصف كده
- وبعدين هاتى الحلوه الصغيره وحطيها عليها كده وادهنى برضه سمن
- بعد كده يا اختشى هتحطى نص الحشوه ما عدا البيض والبقدونس وتطبقى العجين مربع ومع كل تطبيقه ادهنى سمنه حلو كده وبعدين حطيها فى قالب الفرن كده وافرديها
- ماشى كده قوم ايه نجيب باقى الحشو طبعا ما عدا البيض والبقدونس وحطيها على الوش كده
- نجيب بقى البقدونس ونكسر عليه البيضتين وشويه ملح وفلفل اسود ونقلب ( على فكره ده ايد حور بنتى هى مسئوله تقليب البيض عندنا )
- وبعدين نصب البيض على وش البيتزا كده ونحطها فى الفرن لمده 20 دقيقه وبعدين نحمر الوش بالشوايه
إرسال تعليق